မြန်မာ့မြစ်များက လယ်ယာစိုက်ခင်းတွေအတွက် မြေဆီသြဇာနဲ့ အစားအစာအတွက် ငါးသယံဇာတတွေကို ထောက်ပံ့ပေးနေရုံ မျှမက သယ်ယူပို့ဆောင်ရေးအတွက် ရေယာဉ်တွေ ဖြတ်သန်း သွားလာနိုင်စေပြီး ပင်လယ်ရေမျက်နှာပြင် မြင့်တက်လာမှုကြောင့် မြို့ရွာတွေ ရေနစ်မြုပ်စေမယ့် အန္တရာယ်ကနေ ကာကွယ်ပေးပါတယ်။

ဒါပေမယ့် လူသားတွေရဲ့ စည်းကမ်းမဲ့ အပြုအမူတွေကပဲ မြစ်ကြီးတွေကို အဓိက ခြိမ်းခြောက်နေပြီး အကျိုးဆက်အဖြစ် မျှော်လင့်မထားတဲ့ ကပ်ဘေးတွေ ရုတ်တရက်ကျရောက် စေနိုင်ပါတယ်။

“သဘာဝနဲ့ သဟဇာတ မဖြစ်တဲ့ ငါးဖမ်းနည်းတွေဟာ အရေးပါတဲ့ ငါးသယံဇာတတွေကို ပျောက်ကွယ်သွားစေနိုင်ပါတယ်။

မြစ်တွင်းက နုန်းအနည်တွေကို ဆောက်လုပ်ရေးလုပ်ငန်းတွေမှာ သဲအဖြစ် အသုံးပြုဖို့ တူးဖော်ခြင်းက မြစ်ဝကျွန်းပေါ်ဒေသရဲ့ မြေဆီဩဇာကောင်းမှုကို လျော့ကျစေပြီး အဲဒီဒေသကို ပင်လယ်ရေမျက်နှာပြင်အောက် နိမ့်ဆင်းသွားစေပါတယ်။

လွတ်လပ်စွာ စီးဆင်းနေသော မြန်မာ့မြစ်များ အပေါ် ကျရောက်နေတဲ့ ခြိမ်းခြောက်မှုများက မျိုးစိတ်များရဲ့ ရွှေ့ပြောင်းသွားလာနိုင်မှုကို အနှောင့်အယှက်ဖြစ်စေပြီး မြေဆီဩဇာဓာတ်များ စီးဆင်းမှုကို အဟန့်အတား ဖြစ်စေကာ ရေရှည်တည်တံ့သော စွမ်းအင်နည်းလမ်းများကို မပေးစေပါဘူး။

ကျွန်မတို့ရဲ့ မြစ်များကို ကျွန်မတို့ ကာကွယ်ကြရမှာပါ။ အတူတူဆိုရင် ဖွံ့ဖြိုးတိုးတက်မှုကို ဟန်ချက်ညီစေဖို့နဲ့ ဒီအသက်သွေးကြောတမျှ အရေးကြီးတဲ့ မြစ်တွေရဲ့ အနာဂတ်ကို ကာကွယ်ပေးဖို့ နည်းလမ်းရှာနိုင်မှာပါ။